Kryetarja e LSI, Monika Kryemadhi, e ftuar mbrëmjen e sotme në A2 ka komentuar situatën politike në vend.Ajo ndër të tjera ka folur dhe për grabitjen e 10 milionë eurove në Rinas dhe rolin e ushtrisë. Sipas Kryemadhit, mbas kësaj grabitje fshihen bandat e Edi Ramës.
‘Në 6 vite Edi Rama nuk ka raportuar asnjëherë për gjendjen e kanabisit në vend, edhe pse ka patur gjeneral Sandër Lleshajn. Tani ç’mund të pretendoni ju për Romeon dhe Zhuljetën e rendit dhe sigurisë. Për cilën ushtri do flasim? Për ushtrinë që fikte radarët kur kalonin gomonet me drogë? Për ushtrinë ku pilotët rrëzoheshin me helikpoterë me drogë në Spanjë? Janë disa raste të përsëritura, segmente më të rëndësishme të Ushtrisë dhe Policisë shqiptare janë më të njollosura për krimin dhe drogën në vend’, tha Kryemadhi.
‘Unë mendoj që e gjithë skema sot që nga grabitja te vendosja e ushtrisë është një skenar i tij. Dakort le ta marrë ushtrinë, po ato 10 milionë do t’i kthej. 10 milionët i kanë marr bandat e Edi Ramës, le të dali të thotë ai që flet kot ajo’, përfundoi Kryemadhi.
/a.meta
