Kryetarja e LSI, Monika Kryemadhi, teksa ka mbajtur fjalën e saj në protestën që po zhvillohet para Kuvendit, është shprehur se mandatet e opozitës u dogjën për t’i dhënë fund tranzicionit dhe askush mos të marrë pushtetin përmes parave të drogës.
Kryemadhi tha se Rama duhet të largohet, teksa shtoi se misioni i popullit shqiptar është të ndaeja e politikës nga krimi.
“Të dashur policëe që sot u kanë vënë përball prindërve, motrave dhe vlezërve të tyre. Rroga e tyre është sa vlera e një kollareje të Edi Ramës. Nuk mund të jenë ata përfaqësuesit e dhunës. Mandatet tona janë për djemtë dhe vajzat policë që e duan shqipërinë.
Sot mandatet tona nuk janë më pjesë e narkoshtetit. Sot mandatet tona janë mandate për t’u rikthyer dhe njëherë në 1990 për të thirrë liri demokraci.
Sot mandatet tona janë mandatet e minatorëve dhe studentëve që i nxorën bojën shtetit të Edi Ramës.
Mandatet tona u dogjën për t’i dhënë fund tranzicionit dhe askush të mos marrë pushtetin me paratë e drogës dhe krimit.
Iu bëj thirrje që ky kryeministër nuk mund të mbajë në dorë gjithë shqiptarët, misioni jonë është i qartë, të ndajmë krimin nga politika.”
