Ambasadorja e përhershme e Greqisë në BE Aleksandra Papadopulu, është shkarkuar nga Ministri i jashtëm i shtetit Helen Nikos Kotzias, pasi ka dalë kundër linjës zyrtare të Greqisë, në lidhje me qëndrimet për Shqipërinë dhe Maqedoninë.
Gjatë fjalës së tij në parlamentin grek, Kotzias tha se “kur një ministër vendos veton për një çështje të rëndësishme kombëtare, asnjë diplomat nuk ka të drejtën të mos e respektojë, edhe kur është nën presionin e të tretëve”.
Sipas medias greke Ministri jashtëm është vënë në qendër të kritikave pas këtij akti. Ndërkohë që ambasadorja e përhershme ka marë urdhër që të kthehet në Athinë për të shërbyer pranë Ministrisë së Jashtme.
Gazeta “To Vima” nuk jep detaje se për cilën nga cështjet mes Shqipërisë dhe Greqisë, Ambasadorja e Përhershme e Greqisë, ka dalë kundër linjës zyrtare të shtetit.
