“Nga java tjetër do pilotojmë sistemin e pagesës së parkingut jo më me biletë, por përmes celularit. Verifikimi nga policia bashkiake do ndodhë vetëm me pajisje elektronike. Çdo gjë do të lerë gjurmë në sistem dhe do të jetë një nga lehtësitë e qytetarëve për të parkuar. Fillojmë pilotimin nga java tjetër. Mjafton një SMS apo një aplikacion për të paguar parkimin në Tiranë, pa e ndryshuar fare tarifën. S’do ketë më blerje të biletave me para cash. Ky projekt ka filluar që kur Edi Rama ishte kryetar bashkie. Të jetë edhe Tirana njësoj si Zagrebi, njësoj si Shkupi“, u shpreh Veliaj.
Deklaratat e tij Veliaj i bëri gjatë analizës vjetore të Policisë Bashkiake. Ai vlerësoi rolin e kësaj strukture të Bashkisë së Tiranës në menaxhimin e punës së bashkisë dhe përballimin e emergjencave.
“Gjatë motit të acartë Policia Bashkiake ishte në gatishmëri. Ishte kjo policia Bashkiake përballoi me sukses emergjencën e motit. Ndihmoi të moshuar, fëmijë etj.
Sot ka një terminal të përkohshëm për autobusët e juglindjes në afërsi të “Qytetit Studenti” dhe atyre të jugut dhe veriut, në perëndim të qytetit të Tiranës.
Koha kur njerëzit futeshin si bagëti ka përfunduar. Ne po investojmë për korsitë e emergjencës, si në rrugën “Dritan Hoxha” dhe rrugët e tjera sot nuk kalohet më makinë.
Sot është më e këndshme të ecësh në Tiranë, është më e pastër, ka më shumë hapësira publike.
E kemi harruar se ccfarë ndodhi me këndin e lodrave. Policia bashkiake paarmatosur mbrojti këndin e lojërave nga deputetë me pistoleta. E kemi harruar se më ccfarë sakrificie u ndërtua këndi i parë i lodrave. Dhe në fakt, shumë mirë që është harruar se Tirana është bërë një vend normal. Të harruara qofshin.
Policia bashkiake merret me shkelje administrative. Dhe në jetën e përditshme ka më shumë shkelje administrative nga qytetarët. Roli i policit të bashkisë është më i rëndësishmi. Fakti që 50 njerëz çdo ditë vijnë në Tiranë dhe çdo ditë shtohet një pallat, duhet të vendosim një paqe sociale në komunitet. Kemi pasur një trasformim edhe teknologjik, kemi pasur një flotë të dërrmuar, sot kemi një flotë të re, kemi një sistem elektronik të komunikimit”, u shpreh Veliaj.
