Vendet e Ballkanit Perëndimor dhe Evropës Juglindore që morën pjesë në Samitin për Ukrainën i zhvilluar në Tiranë kanë miratuar deklaratën e përbashkët ku dënohet agresioni rus në Ukrainë dhe përsëritet mbështesja ndaj Ukrainës për të drejtën e saj për të qenë një vend i pavarur dhe sovran.
Vendet bien dakord për t’i ofruar Ukrainës mbështetjen e nevojshme kundër agresionit rus për aq kohë sa duhet për t’u arritur një paqe gjithëpërfshirëse.
Në një lidhje me Skype me studion e emisionit “3D nga Alban Dudushi” në RTSh, Kryetari i Bashkisë Poliçan, Adriatik Zotkaj u shpreh se Poliçani është projektuar për industri ushtarake dhe ka infrastrukturën e duhur për prodhimin e fishekëve dhe municioneve me përmasa të ndryshme.
“Poliçani është projektuar apostafat për të industrinë ushtarake dhe ka të gjithë infrastrukturën e nevojshme dhe më të sigurt në të gjithë Shqipërinë për prodhimin e fishekëve dhe municioneve të ndryshme siç janë predhat kundra ajrore, fishekë për 12.7, fishekë 7.62 etj.
Ajo që është kryesorja është infrastruktura e cila është e sigurt që nga depot e armëve, që nga makineritë që janë të gatshme për prodhimin e kundërajroreve 12.7 dhe 14.5 por edhe për linjën e fishekut 7.62 për këmbësorinë dhe siç kemi parë lufta sot në Ukrainë po bëhet frontale e cila i përgjigjet kësaj teknologjie që ka pasur Poliçani në vitet 70-80.”, u shpreh kryetari i bashkisë Poliçan, Adriatik Zotkaj.
/a.r
E kur merr vesh ky kryetari fshatit Poliçan, nga industria e armatimit. Ky është një Bole Kandari, që vetëm kazanët e plehrave dhe punëtorët e komunales së bashkisë ka në dorë.
Të gjitha makineritë e paisjet e uzinës që eventualisht mund të ndodhen gjendje në uzinë, janë jashtë përdorimi nga ndryshku dhe mosha e degradimit si teknollogji. Çfarë makineri e paisje që ishin me vlerë, i vodhën në kohë të ministrit Fatmir Mediu, medemek për skrap, por që i u shitën bizneseve që përpunojnë metal në Shqipëri e jashtë vëndit.