Kryabashkiaku i Himarës, Jorgo Goro në një lidhje telefonike me emisionin #DritaremeRudinën, në Vizion Plus ka thënë se banorëve që do t’iu prishen ndërtimet, do të dëmshpërblehen. Goro ka sjellë për emisionin projektin, në të cilin, përveç ndërtesave që do të prishen, caktohen edhe dëmshpërblimet që do të jepen.
“Dëmshpërblimet do të kryhen.
Nuk ka të bëjë fare me kanë apo jo dokumente.
Qytetarët janë treguar të gatshëm të sjellin dokumente.
Në ndryshim nga vendimi i qeverisë që për shpronësim duhet hipoteka, në Himarë janë shpronësuar të gjithë pronarët pa i dorëzuar menjëherë dokumentet.
Unë i kam pritur qytetarët kur kanë ardhur. I kam lutur që të sjellin dokumentet dhe deri ditën e fundit i kanë sjellë”, ka thënë Goro.
