Katër familje të fiseve Shota dhe Skuraj, në fshatin Bilaj të Krujës akuzojnë gjykatën se u ka hequr pronësinë e 250 dynymëve tokë, në një proces gjyqësor pa dijeninë e tyre. Ata deklarojnë se kanë trashëguar nga prindërit dhe gjyshërit këtë sipërfaqe të madhe toke, çka vërtetohet edhe nga dokumentat kadastrale të vitit 1951.
Por me një vendim të vitit 1996 prona është tjetërsuar dhe i është dhënë një banuesi në Tiranë, që ka të përbashkët vetëm mbiemrin me fisin Shota. Vendimi është dhënë nga trupi gjykues në kryesim të të cilit ka qenë Anastasi Shehu e shopëruar nga gjyqtaret Mimoza Kita dhe Vasilika Huqi. Nga shqyrtimi i dikumentave del se dosja eshte regjistruar ne gjykate nga paditesi Mark Shota me date 23.9.1996 dhe gjygji eshte zhvilluar pas 4 ditesh në 27.9.1996, ndërsa është dhënë edhe vendimi I formës së prerë që njeh si trashëgimtar të ligjshëm Mark Shotën nga Tirana. Fiset Shota dhe Skuraj në Bilaj të Krujës deklarojnë se nuk janë thirrur kurrë në këtë proces gjyqësor dhe e kanë marrë vesh rastësisht vetëm një muaj më parë atë që ka ndodhur.
Vendimi i formës së prerë mban numrin 672 date 27.9.1996 dhe thuhet nuk ka patur ankimin apo protesta.
Anëtarët e fiseve Shota dhe skuraj akuzojnë për falsifikim dokumentash disa drejtues të ish komunës së bubqit dhe këshilli komunës, si dhe kryeplaku i fshatit që kanë lëshuar vërtetime dhe kanë futur si dëshmitarë për kufijtë e pronës persona që nuk ekzistojnë.
Në qendër të akuzave vihet edhe përfaqësuesi i kadastrës së Krujës që ka lëshuar vërtetimin se në bazë të vendimit të këshillit të komunës Mark Shota është pronar i tokës. Pronarët e tokës deklarojnë se Mark Shota nuk figuron në asnjë lloj dokumenti kadastral si pronar tokash në rrethin e Krujës. Ata apelojnë për ndërhyrje ministrin e drejtësisë.
BW
