Kruja është tronditur nga një ngjarje e rëndë kriminale mbrëmjen e së martës. NJë 38-vjeçar është ekzekutuar me armë zjarri në fshatin Nikël.
Shtetasi Fatmir Pula është qëlluar me brehëri kallashnikovi nga persona ende të paidentifikuar nga policia. Ngjarja ka ndodhur rreth orës 21.00 të mbrëmjes së djeshme, teksa 38-vjeçari ishte duke u kthyer i vetëm për në banesën e tij.
Nuk dihet ende për shkaqet që çuan në atentatin ndaj këtij shtetasi, ndërsa sipas të dhënave paraprake, bëhet me dije se vrasja e tij ka qenë e organizuar dhe ai ndiqej prej kohësh nga ekzekutorët.
Aktualisht policia po punon në disa pista për zbardhjen e krimit.
Grupi hetimor dyshon se vrasja mund të ketë ndodhur për hakmarrje.
Viktima ka një vëlla polic në Komisariatin e Krujës dhe një prej pistave lidhet me hakmarrje për shkak të detyrës së vëllait. Aktualisht po punohet për të verifikuar nëse vëllai i viktimës ka pasur ndonjë përplasje në detyrë.
Njoftimi i Policisë së Durrësit:
