Policia e Krujës ka bërë të mundur asgjësimin e 1370 bimë narkotike kanabis sativa të mbjella në 11 parcela ndërsa është arrestuar edhe një 21 vjeçar. Në kuadër të finalizimit të operacionit ”Krastë 2015”, është vënë në pranga 21-vjeçari Emirjan Voga, banues në Krujë.
Sipas policisë arrestimi i tij u bë i mundur pasi nga një kontroll në pronën e tij, iu gjetën, 11 parcela të mbjella me rreth 1 370 bimë narkotike kanabis sativa, me një lartësi 20 – 50 cm.
Këto bimë, u asgjësuan në vend, me anë të djegies ndërsa një pjesë e tyre, u morën në cilësinë e provës materiale. Gjithashtu në cilësinë e provës materiale u sekuestruan dy armë zjarri automatike, model 56 të kalibrit 7.62 mm, pesë karikator automatiku dhe 121 fishekë të kalibrit 7.62 mm.
Materialet i kaluan Prokurorisë Krujë, për veprime të mëtejshme, për veprat penale të “Kultivimit të bimëve narkotike”dhe “Mbajtjes pa leje të armëve dhe municioneve luftarake”.
