Një tjetër tërmet me magnitudë 4.9 ballë ka tronditur sot Kroacinë.
Mediat vendase raportojnë se tërmeti u regjistrua rreth orës 07: 49 në Greda, Sisačko-Moslavačka Županija pranë Petrinjas.
Praprakisht nuk ka të dhëna për dëme materiale apo të lënduar. Më herët mëngjesin e sotëm u regjistrua një tjetër tërmet rreth orës 04:20, me magnitudë 3.5, dy kilometra në verilindje të Petrinjas.
Kujtojmë që më 29 dhjetor, një tërmet i fuqishëm me magnitude 6.2 i shkallës Rihter tronditi Kroacinë, duke u marrë jetën 7 personave, e duke shkaktuar dëme të konsiderueshme materiale.
46 paslëkundje janë regjistruar nga Shërbimi Sizmiologjik kroat gjatë orëve të fundit, megjithatë ato konsiderohen normale pas një tërmeti të fortë.
g.kosovari
