Kriza politike, Rama takon për 100 minuta Metën në Kryesinë e Kuvendit
Kriza politike duket se ka detyruar kryeministrin Edi Rama dhe Kryetarin e Kuvendit, Ilir Meta të takohen, ndërsa të dy politikanët drejtojnë koalicionin qeverisës. Takimi i tyre është zhvilluar në ambientet e Kryesisë së Kuvendit dhe ka zgjatur plot 100 minuta. Rama pas takimit ka dalë sërish në këmbë dhe është drejtuar për në zyrën e tij në Kryeministri. Gazetarëve të pranishëm ai iu drejtuar me fjalët: “Meritoni një fundjavë të qetë”
Një takim i tillë vjen fill pas kthimit të Ramës nga vizita një javore në SHBA, ku mori pjesë në Asamblenë e Përgjithshme të OKB-së në Nju-Jork.
Ky takim mendohet se do të zhvillohet në kuadër të situatës së fundit politike në vend. Vetë kreu i Kuvendit zhvilloi një sërë takim këtë javë, pas letrës së Spartak Brahos, me anë të së cilës paralajmëronte përpjekje për destabilitet politik.
Më 30 tetor, Meta zhvilloi një takim 20 minuta me ministrin e Brendshëm, Saimir Tahirin. Ndërsa, një ditë më parë u takua edhe me kryetarin e PDIU-së, Shpëtim Idrizi dhe Presidentin e Republikës, Bujar Nishani.
