Turmat e zemëruara në Sri Lanka kanë djegur disa shtëpi që i përkisnin zyrtarëve në pushtet dhe deputetëve, pas dorëheqjes së kryeministrit të vendit ditën e djeshme. Kryeministri dha dorëheqjen mes protestave masive kundër trajtimit të krizës ekonomike nga qeveria e tij, BBC.
Por kjo nuk arriti të qetësonte demonstruesit, të cilët u përpoqën të sulmonin rezidencën e tij zyrtare ndërsa ai ishte ende brenda. Shtatë persona kanë vdekur dhe më shumë se 190 janë plagosur që nga e hëna.
PM Mahinda Rajapaksa’s ancestral home in Madamulluna has been set on fire. pic.twitter.com/JAN52w5Gxw
— DailyMirror (@Dailymirror_SL) May 9, 2022
Shtetrrethimi në të gjithë vendin është zgjatur deri në mëngjesin e së mërkurës. Ata janë duke bërë thirrje që presidenti Gotabaya Rajapaksa, vëllai i Mahinda, të largohet nga detyra, pas javëve të përshkallëzimit të demonstratave mbi rritjen e çmimeve.
Demonstruesit sulmuan mbështetësit e qeverisë, duke synuar gjithashtu deputetët e partisë në pushtet. Ndërsa nata vazhdoi, turma protestuesish në të gjithë vendin dogjën shtëpitë që i përkisnin Rajapaksas, ministrave dhe deputetëve të ndryshëm.
Kjo përfshinte një shtëpi të kthyer në një muzenga Rajapaksas në fshatin e familjes në Hambantota në jug të Sri Lankës. Pamjet e postuara në mediat sociale treguan shtëpitë e përfshira nga flakët ndërsa njerëzit brohoritnin.
g.kosovari
