Rreth tre vjet pas ndeshjes së fundit me fanellën e Kombëtares Shqiptare, sulmuesi Edgar Çani rivishet kuqezi. 27-vjeçari Pizës thirret nga trajneri Gianni De Biasi pas problemeve fizike të Rey Manajt dhe Armando Sadikut, i cili do t’i nënshtrohet një ndërhyrjeje ne gju. Çani do të jetë në dispozicion të skuadrës për ndeshjen ndaj Lihtenshtejnit dhe Spanjës.
Ndeshjen e fundit me Kombëtaren, sulmuesi i lindur në Tiranë e ka luajtur në muajin Tetor të vitit 2013 në Rejkjavik kundër Islandës, e vlefshme për eliminatoret e Btërorit 2014.
Cani numëron 13 takime me ekipin kuqezi, 8 sfida zyrtare dhe 5 miqësore. Dy golat e vetëm zyrtarë ai i ka realizuar ndaj Islandës dhe Qipros në “Qemal Stafa”. Sulmuesi shtatlartë ka realizuar gjithashtu edhe një gol në miqësoren e vitit 2012 ndaj Gjeorgjisë ku skuadra kuqezi u mund me rezultatin 2-1. Gjatë sezonit të shkuar ai u transferua te Pisa ku në 31 ndeshje arriti të realizonte 6 gola.
Këtë sezon ka luajtur në 7 ndeshje, përfshirë 20 minuta mbrëmë në barazimin 1-1 në Carpi.
Ss/d.i.