Një rritje në kapacitetin e tubacionit të gazit natyror TAP po planifikohet për të ndihmuar në uljen e varësisë nga gazi rus në Evropën Juglindore.
Këtë e ka bërë të ditur kompania e menaxhimit të tubacionit. “Gazsjellësi Trans Adriatik (TAP) tha se objektivi fillestar ishte rritja e furnizimeve të gazit në 12 miliardë metra kub në vit që në vitin 2022, nga afërsisht 8 miliardë metër kub në 2021, dhe ndoshta rritja e kapacitetit të tij në 20 miliardë metër kub në vit, vendimi përfundimtar për të cilin do të jete në varësi të testimit të tregut që do të zhvillohet në vitin 2023.”
Një rritje në importet e gazit natyror nga Azerbajxhani u vendos gjatë një vizite të fundit të Presidentes së Komisionit Evropian Ursula von der Leyen në Baku.
Funksionimi i gazsjellësit TAP dhe veçanërisht zgjerimi i tij do ta vendosë Greqinë si një qendër energjetike për Evropën Juglindore dhe BE-në në tërësi, pasi tubacioni transporton gaz nga Azerbajxhani në Itali nga kufiri greko-turk, nëpërmjet Shqipërisë dhe një tubacion nënujor.
Operacioni komercial i Interkonektorit Greqi-Bullgari do të jetë gjithashtu në gjendje të furnizojë Bullgarinë dhe vendet e tjera me të cilat ka lidhje (Maqedonia e Veriut, Rumania, etj).
g.kosovari
