Gjenerali serb Vladimir Lazareviç, i dënuar nga Tribunali i Hagës për krime lufte të kryera ndaj shqiptarëve në Kosovë, është liruar të enjten, pasi ka kaluar 10 vjet në burg, por në Serbi ai është kthyer sikur të ishte hero kombëtar e jo kriminel lufte, shkruan Koha Ditore.
Lazareviç, i cili u lirua nga burgu pasi vuajti dy të tretat e dënimit, është transferuar nga Haga për në Serbi me aeroplan qeveritar, dhe i shoqëruar nga përfaqësuesit e Qeverisë së Serbisë – ministri i Drejtësisë, Nikola Selakoviç, ministri i Mbrojtjes, Bratislav Gashiç.
Po ashtu kriminelin e dënuar Lazareviq në aeroportin e Nishit e kanë pritur edhe ministri i Punës, Aleksandar Vulin, prefekti i Nishit, Zoran Perishiç, si dhe përfaqësuesi i Kishës Ortodokse Serbe, Vladika Teodosije.
Në mesin e të tubuarve në aeroport ishte edhe shefi i Ushtrisë serbe, Lubisha Dikoviç, edhe vetë i akuzuar për krime lufte ndaj shqiptarëve në Kosovë, i cili në kohën e luftës, më 1999, komandoi
