Zbatimi i ligjit nga gjyqtari Ergys Selmani në gjykatën e Fierit mund të kishte shmangur krimin në familje ku Liljana Ruka humbi jetën pas dhunës së bashkëshortit i cili e hodhi nga kati i katërt i pallatit ku jetonin.
Në një komunikim me mediat ministri i drejtësisë Ylli Manjani bëri publik rezultatet e hetimit të nisur ndaj gjyqtarit ku sipas Manjanit janë gjetur shkelje dhe ndaj Selmanit do të kërkohet procedim disiplinor.
Manjani u ndal dhe tek hapat ligjorë që duhet të ndjekin të dëmtuarit nga dhuna apo krimi në familje, që sipas tij gjithçka fillon duke telefonuar policinë.
Për të njëjtin rast gjyqtari Ergys Selmani është vënë në hetim dhe nga policia e fierit së bashku me kreun e përmbarimit të Fierit dhe ndaj tyre po kryhen hetime për akuzën e shpërdorimit të detyrës.
Sipas hetime paraprake ka rezultuar se Selmani ka vonuar zbardhjen e vendimit të ekzekutimit të urdhrit të mbrojtjes ndaj Liljana Rukos ç’ka për pasojë ka sjellë mungesën e mbrojtjes ndaj saj dhe mos dijeninë e vendimit të gjykatës nga policia e Fierit.
shqiptarja.com/d.i.
