Krimi në familje trondit sërish vendin. Në Bulqizë gruaja goditi 6 herë me thikë në gjum burrin, por fatmirësisht i lënduari mundi të mbijetojë. Ndërkohë në Rrogozhinë bashkëshorti tentoi të ekzekutojë me armë gruan.
Bulqizë, gruaj godet 6 herë me thikë në gjumë bashkëshortin
Plagos në gjumë 6 herë më thikë bashkëshortin, arrestohet në flagrancë nga policia.
Sekuestrohet në cilësinë e provës materiale arma e dyshuar e krimit (Thikë)
I plagosuri ndodhet në Spitalin e Dibrës jashtë rrezikut për jetën, por është arrestuar në flagrancë nga Policia për “Armëmbajtie pa leje”.
Në banesën e tij është gjetur dhe sekuestruar një armë zjarri Pushkë model 63 si dhe një krëhër me 10 fishekë.
Nga ana e Specialistëve të Sektorit Kundër Krimeve të Rënda në Drejtorinë Vendore të Policisë Dibër u bë arrestimi në flagrancë i shtetases: Rudina BASHA, 36 vjeçe, banuese në Bulqizë.
Arrestimi i saj u bë pasi rreth orës 03:00 të mëngjezit, shtetasja Rudina Basha, dyshohet se ka goditur 6 herë me thikë, për motive të dobëta, në banesën e marrë me qera nga ana e saj në qytetin e Ri-Bulqizë, bashkëshortin e saj Besnik Basha, 45 vjeç, lindur e banues në Dragu-Bulqizë, gjatë kohës që ai ka qenë në gjumë.
Pas marrjes së njoftimit kanë shkuar menjëherë shërbimet e Policisë së Komisariatit të Policisë Bulqizë ku kanë bërë shoqërimin në ambjentet e Policisë të shtetases së mësipërme.
I dëmtuari Besnik Basha është dërguar për ndihmë mjeksore në spitalin rajonal të qytetit Peshkopi ku ndodhet jashtë rrezikut për jetën.
Grupi hetimor në përfundim të veprimeve të para hetimore ka sekestruar në cilësinë e provës materiale një thikë , si arma e dyshuar e krimit.
Materialet proceduriale do t’i kalojnë Prokurorisë Pranë Gjykatës së Shkallës Parë për Krime të Rënda Tiranë, për veprën penale të “Vrasjes për shkak të marrëdhënieve familjare”, mbetur në tentativë, vepër e parashikuar nga nenet 79/c – 22 të Kodit Penal.
Gjithashtu është bërë arrestimi në flagrancë edhe i shtetasit të plagosur Besnik Basha, pasi:
Në vijim të veprimeve të përbashkëta të kryera me Specialistët Kundër Krimeve të Rënda, Specialistët për Hetimin e Krimit në Komisariatin e Policisë Bulqizë, kanë ushtruar kontroll në banesën e këtij shtetasi në fshatin Dragu-Bulqizë, ku si rezultat i kontrollit është gjetur dhe sekuestruar një armë zjarri Pushkë, model 63, së bashku me një kerhër me 10 copë fishekë, të cilat i mbante pa leje.
Arma e zjarrit dhe fishekët u sekuestruan në cilësinë e provës materiale .
Materialet në ngarkim të shtetasit Besnik Basha i kaluan Prokurorisë së Rrethit Gjyqësor Dibër për veprime të mëtejshme për veprën penale ” Prodhim dhe mbajtje pa leje të armëve dhe municioneve luftarake”.
Rrogozhinë, burri tenton të vrasë gruan
Parandalohet një krim i rëndë në familje.
Arrestohet në flagrancë autori.
Më datë 27.07.2016 shërbimet e komisariatit të policisë Rrogozhinë kanë vënë në pranga autorin e dyshuar shtetasin:
• Xhevdet Peza , 69 vjeç banues në fshatin Shardusht Njesia Administrative Lekaj.
Shtetasi i mësipërm në banesën e tij, pasi ka ushtruar dhunë fizike, ka kanosur në fillim me armë gjahu të cilën e kishte me leje bashkëshorten e tij shtetasen K. Peza, 47 vjeçe. Më pas ka lënë armën e gjahut dhe ka kanosur me një armë pistoletë tip miniberet të cilën e mbante pa leje.
Forcat e policisë pas telefonatës së marrë, kanë shkuar menjëherë në vendngjarje dhe kanë bërë neutralizimin e autorit pak metra larg banesës pasi ka tentuar të largohej duke përfituar nga errësirra.
Nga kontrolli i ushtruar në banesë ju gjet dhe sekuestrua në cilesinë e provës materiale:
• një pistolet tip mini beret me 5 fishek (pa leje)
• një armë gjahu (çifte) me leje të organeve kopetente.
Materialet i’u referuan Prokurorisë pranë Gjykatës Shkallës Parë Kavajë për veprat penale “Dhuna në familje” dhe “Prodhimi dhe mbajtja pa leje e armëve luftarake dhe e municionit”, parashikuar nga Neni 130 a/2 dhe 278 të Kodit Penal./a.m.
