Një krim i rëndë në familje tronditi këtë mëngjes Pogradecin, ku 49-vjeçari Bashkim Mekolli qëlloi me thikë dhe sqepar gruan e tij Demirka, duke e lënë të pajetë në banesë në fshatin Blacë.
Policia ka deklaruar zyrtarisht se ngjarja ka ndodhur për motive të dobëta, ndërsa hetimet e nisura pritet të hedhin dritë mbi këtë krim në familje. Bashkëshorti vrasës ishte larguar nga banesa pas krimit, ndërsa më tej është arrestuar nga forcat e policisë. Babai i autorit, në një rrëfim për mediat, tregoi se djali i tij ka qenë në gjendje depresive dhe merrte mjekim.
Sipas tij, çifti jetonin në kushte të mjerueshme në një kasolle, dhe kohët e fundit ai i kishte marrë të jetonin me të në shtëpinë e tij, aty ku dhe ndodhi krimi i rëndë. Babai i autorit tregon momentet e fundit para krimit, se në çfarë gjendje e kishte lënë çiftin e bashkëshortëve para se të dilte nga shtëpia.
“Djali ka qenë prej kohësh i kuruar me depresion. Krimin e ka kryer kur ka qenë jashtë kontrollit. Kishin kushte të vështira. I kam marrë në banesë sepse jetonin në kasolle.
Sapo kam dalë nga shtëpia më ka lajmëruar nusja e nipit për vrasjen. Kur kam shkuar e kam gjetur nusen të pajetë, të masakruar, të mbuluar me gjak, ndërsa djali me thikë në dorë vinte vërdallë nëpër oborr”, u shpreh Nexhdet Mekolli për mediat.
Viktima
