Gjykata e Krimeve të Rënda ka dhënë masat e sigurisë për 6 anëtarët e grupit “Bajri”.
Gjykata ka konfirmuar “arrestin me burg” dhënë në mungesë për të 6 personat që ishin sot para togave të zeza.
Safet Rustemi (Bajri), Armir Grimaj, Fabiol Rexhepi, Astmer Bilali, Ilir Rustemi, Emrah Plaku, do të qënrojnë prapa hekurave deri në fund të hetimeve.
Gjykata i ka vlerësuar të mjaftueshme provat e paraqitura nga prokuroria për këta shtetas, akuzuar për një sërë veprash të rënda penale.
Arbër Hoxha, avokati i Safet Bajrit e ka cilësuar të paligjshëm vendimin e Krimeve të Rënda dhe tha se nga pala mbrojtëse u ofrua garancia pasurore por kjo nuk u mor parasysh. Sipas tij akuza e vetme nga klientit të tij është jo për ndikim në gara sportive.
“Gjykata e Krimeve të Rënda në kundërshtim me nenin e la në fuqi arrestin me burg ndërkohë që duhet të kishte vendosur garanci pasurore. E ofruam në masën 1 mln lekë ose sa ta kërkonte gjykata. Aktualisht masa e sigurimit për Safet Rustemin përveç se ndikimit në gara sportive s’ka asgjë tjetër. Nuk mund të shprehem për akuza në vende të tjera.
Për të gjashtë u la. Ndërsa për tre që kanë dalë në gjyq në Shkodër, janë arrestuar në flagrancë nuk kanë lidhje me këtë procedim”, deklaroi avokati Hoxha.
***
Ka nisur senaca gjyqësore ndaj anëtarëve të bandë “Bajri” në Gykatën e Krimeve të Rënda. Edhe pse ishte parashkuar për në orën 10:00, seanca ka nisur në orënb 15:00.
Shkak është bërë vonesa për të mbërritur nga Shkodra Safet Bajri, i cili ishte para gjykatës atje ku u njoh me vendimin e dënimit me 22 vite burg nga drejtësia belge.
Gjyqtarja Ilirjana Olldashi vendosi që seanca të zhvillohet pa mediat pasi sipas saj ka akte që përbëjnë sekret hetimor dhe për këtë arsye prokuroria ka kërkuar që seanca të zhvillohet pa praninë e kamerave. Sot kanë dalë para gjykatës 6 nga 11 të arrestuarit. Seanca zhvillohet nën masa të forta sigurie.
Sot para gjykatës;
Safet Rustemi (Bajri), i arrestuar në Tiranë;
Armir Grimaj, arrestuar në Shkodër;
Fabiol Rexhepi, i arrestuar në Shkodër;
Astmer Bilali, i arrestuar në ndërhyrjen e datës 6 shtator në Shkodër;
Ilir Rustemi, i arrestuar në ndërhyrjen e datës 6 shtator në Shkodër;
Emrah Plaku, i arrestuar në ndërhyrjen e datës 6 shtator në Shkodër;
Grupi Bajri-Të arrestuar nga dy operacionet
1. Behar Brajoviq (Bajri) arrestuar në Roterdam, Holandë;
2. Samet Halluni, i arrestuar në Roterdam, Holandë;
3. Ilir Rustemi, i arrestuar në ndërhyrjen e datës 6 shtator në Shkodër;
4. Emrah Plaku, i arrestuar në ndërhyrjen e datës 6 shtator në Shkodër;
5. Astmer Bilali, i arrestuar në ndërhyrjen e datës 6 shtator në Shkodër;
6. Armir Grimaj, arrestuar në Shkodër;
7. Safet Rustemi (Bajri), i arrestuar në Tiranë;
8. Fabiol Rexhepi, i arrestuar në Shkodër;
9. Ismet Idrizi, i arrestuar në Shkodër;
10. Denis Brajoviq, i arrestuar në Tiranë;
11. Klaudio Hoxhalliu, i arrestuar në Tiranë./a.m.
