Bisedat mes grupeve kriminale në Shkodër pritet të çojnë prokurorinë dhe në zbardhjen e atentateve të vjetra kriminale dhe lidhjet mes tyre.
Njëra është tentativa e vrasjes së Taulant Pepsjt në shkurtin e vitit 2021 në lagjen Skënderbeg të Shkodrës. Në video duket që marrin pjesë tre persona dhe që qëllojnë në drejtim të automjetit të Pepajt edhe ky një person i skeduar nga policia e Shkodrës për plagosje.
Por gjatë hetimeve të kryera, prokuroria e Shkodrës, nuk ngriti akuzë për dy të dyshuarit e policisë Eljo Hato dhe Sehar Xhenje pasi sipas akuzës ata nuk ishin të përfshirë në këtë sulm. Gjykata e Shkodrës shpalli fajtor vetëm Shkëlzen Xhenjen për “Mbajtje pa leje të armëve” i cili u dënua vetëm 3 vite e 8 muaj burgim.
Nuk do të kalonte shumë dhe pas disa muajsh në shtator njëri prej kushërinjve të Shkëlzenit dhe Seharit, Erjon Xhenje, vetëm 19 vjeç, do të ekzekutohej teksa ishte duke pirë kafe në një lokal pranë kryqëzimit të Kirasit, në zonën e njohur si ‘Rruga e Gjerë’.
