Policia e Tiranës ka parandaluar një krim në familje. Valmir Preka, 23 vjeç, banues në Kamëz, Tiranë, gjatë një konflikti në familje ka plagosur me thikë vëllain e tij, M.P, 18-vjeç. I plagosuri është transportuar me urgjencë në spitalin e Traumës, ku mësohet se ndodhet jashtë rrezikut për jetën.
Njoftimi i Policisë:
Tiranë
Plagos vëllain me thikë, gjatë një grindje të çastit, arrestohet menjëherë nga Policia. Shërbimet e Komisariatit të Policisë Nr 5, pas një njoftimi të marrë për një konflikt në familje kanë reaguar menjëherë, duke bërë të mundur parandalimin e përshkallëzimit të mëtejshëm të konfliktit, si dhe arrestimin në flagrancë të autorit të dyshuar shtetasit:
Valmir Preka, 23 vjeç, banues në Kamëz, Tiranë. Shtetasi i lartpërmendur, në grindje e sipër me të vëllian shtetasin M.P, 18 vjeç, e ka plagosur këtë të fundit me thikë, i cili është transportuar në spital dhe ndodhet jashtë rrezikut për jetën.
Grupi hetimor ka sekuestruar në cilësinë e provës materiale mjetin prerës “thikë”. Materialet do t”i kalojnë Prokurorisë pranë Rrethit Gjyqësor Tiranë për veprat penale ” Plagosje e rëndë me dashje dhe “Dhunë në familje”.
