Një ngjarje e rëndë ka tronditur Milotin orët e para të mëngjesit.
Duke iu referuar burimeve policore, mediat vendase raportojnë se një grua ka qëlluar për vdekje bashkëshortin e saj.
Mësohet se Violeta Donaj 35 vjeç ka vrarë shtetasin Kujtim Donaj 42 vjeç dhe më pas ka tentuar të largohet nga vendi i ngjarjes.
Raportohet se ngjarja ka ndodhur në tregun e Milotit.
Krimi i rëndë pritet të zbardhet nga Policia e Kurbinit në vijim.
Njoftimi i Policisë:
Me datë 17.06.2018, rreth orës 07:10 , në tregun e Milotit në Kurbin, shtetasja V.D. 35 vjeçe, banuese në Rrëshen, për motive ende të paqarta, ka vrarë me armë zjarri tip pistoletë, bashkëshortin e saj, shtetasin K.D. 42 vjeç, banues në Rrëshen.
Menjëherë pas ngjarjes, shtetasja V.D. ka tentuar të largohet por ndërhyrja në kohë e forcave policore, ka bërë të mundur kapjen dhe arrestimin e saj në flagrancë si dhe sekuestrimin e armës së zjarrit tip pistoletë me të cilën është kryer krimi.
Grupi hetimor në bashkëpunim me Prokurorinë e Rrethit Gjyqësor Kurbin, po vazhdojnë hetimet në vendngjarje për zbardhjen e plotë të rrethanave të ngjarjes.
/javanews/b.d
