Një 26-vjeçar është arrestuar në Roterdam, pasi dy persona u plagosën në një seri sulmesh me thikë të shtunën në mëngjes.
Sipas policisë së Roterdamit, dy burra, të cilët dyshohet se ishin viktima të rastësishme, u goditën me thikë në Schaepmanstraat dhe Marconiplein, në perëndim të qendrës së qytetit.
Një nga viktimat u transportua në spital për trajtim mjekësor, ndërsa viktima tjetër u trajtua në vendngjarje nga ekipet e urgjencës.
Rreth 30 minuta më vonë, një tjetër përpjekje për sulm me thikë u raportua në urën Brug Van Cyrene, në veriperëndim të Roterdamit.
Policia bëri të ditur se një person i vetëm dyshohet se është përgjegjës për sulmet dhe se ai besohet të ketë lëvizur me makinë gjatë incidenteve.
26-vjeçari është arrestuar dhe hetimet për të zbardhur rrethanat dhe motivin e sulmeve vijojnë.
