Kryetari i PD Lulzim Basha deklaroi sot se ne ditet ne vijim do te kete te reja te tjera qe tregojne lidhjet e politikes me krimin dhe trafikantet e droges.
“Rama nuk është më kryeministër, tani është avokati mbrojtës i Saimir Tahirit dhe Habilajve. Merret vetem me mbrojtjen e krimit dhe asgjë tjetër, bredh studio më studio, podium më podium duke bërë avokatin mbrojtës të Tahirit se kështu mbron veten e tij.
Rama dhe Tahiri ndiheshish të plotfuqishëm e të pamposhtuar deri dje, sot ata janë në panik e dëshpërim se po ndeshen me të vërtetën e kanë humbur cdo kontroll ndaj të vërtetës, e ky është vetëm fillimi. Ne ditet ne vijim do te ketë të reja të tjera që zbulojnë përfshirjen e qeveritarëve shqiptarë dhe të Ramës në mbështetje të drogës e krimit. Edhe bota e ka kuptuar dhe s’mund të lejojë më një shtet të kontrolluar nga krimi në mes të Evropës”.
I pyetur se çfare te dhenash te reja priten, lideri i PD tha se opozita ka kontakte te vazhdueshme me qytetaret dhe oficeret e policise qe kane fakte per perfshirjen e qeveritareve dhe lidhje te tyre me kriminele, por edhe me partneret.
“Unë them ti presim me mire te rejat se sa t’i paragjykojmë. PD është në kontakt me qytetarët me oficerët e ndershëm të policisë dhe natyrisht me partnerët. Është në shqyrtim të vazhsueshëm të cdo denoncimi dhe materiali që teregon lidhjet e pushtetarëve me trafikantët e drogës”, tha Basha.
