Kreu i CIA-s, Xhon Bernan, thotë se militantët e ISIS mund të mposhten vetëm përmes një kombinimi të përpjekjeve ushtarake me ato politike.
Shembulli se si Shtetet e Bashkuara arritën të bënin bashkë fiset sunite kundër Al-Kaedës, duhet të ndiqet edhe nga koalicioni ndërkombëtar.
“Pavarësisht rëndësisë që ka forca e armëve për t’i mposhtur ata, Iraku ka nevojë për një zgjidhje politike, duke filluar nga kryeministri Ebadi, i cili duhet të bindë popullsinë sunite që të mbështesë Irakun e ri që po formohet.” shprehet Bernan
Sipas tij, Al Kaeda kishte rrënjë shumë më të thella në Irak sesa ISIS, e megjithatë përpjekja e vazhdueshme e përbashkët do të arrijë të mposhtë grupimin terrorist, diçka që mund të përsëritet edhe me Kalifatin e vetëshpallur nga Al-Bagdadi, që edhe pse ka ngritur institucione të mirëfillta dhe kontrollon një territor të madh, nuk është njohur nga asnjë shtet tjetër në botë.
