Kryetari i Dhomës së Tregtisë dhe Industrisë Nikolin Jaka ka dënuar çdo lloj presioni dhe dhune ndaj investitorëve të huaj. Në një reagim për mediat pas largimit të investitorit libanez kompania e të cilit do të kryente një investim prej 450 milionë dollarë në vendin tonë, Jaka tha se Shqipëria duhet të krijojë mundësi dhe klimë të përshtatshme për investimet e huaja.
Jaka: Incidenti i ndodhur kohët e fundit është një incident që dënohet nga të gjithë dhe në mënyrë të veçantë nga dhoma e tregtisë, pra është një incident që nuk duhet ti ndodhë vetëm një investitori të huaj por asnjë investitori dhe qytetari shqiptar dhe në rastin konkret është shumë e rëndësishme që ne të fokusohemi për të bërë një analizë me qetësi dhe të presim edhe rezultatet e hetimit sepse është shumë e rëndësishme që mos promovojmë paraprakisht efekte dhe pasoja pa e ditur se kush ka qenë edhe shkaku i goditjes. Kemi një iniciative investimi që në 2008 dhe që akoma nuk është implementuar. Është shumë e rëndësishme që ne të ndërgjegjsohemi për seriozitetin e investitorëqve të huaj.
Gjatë konferencës për shtyp, Nikolin Jakaj u ndal edhe tek çështja e kanabist, kur propozoi legalizimin njësoj si Holanda.
Jaka: Pse mos zbatojmë edhe ne formulën e Holandës, Italisë apo dhe të Greqisë për lejimin e kanabisit për nevoja farmaceutike apo siç e lejon edhe ligjet europiane.
Madje Jaka shkoi edh emë tej, kur tha se Shqipëria duhet të ndjekë shembullin e disa shteteve europiane për legalizimin e prostitucionit.
Jaka: Pse jo mos kalojmë edhe në ligje të tjera të cilat liberalizohen dhe është një paketë psh, të merret qasja ligjore që ka Gjermania dhe Austria për shërbimin e femrës që janë gjëra normale.
Kryetari i Dhomës së Tregtisë Nikolin Jakaj foli edhe për ligjin e importit të mbetjeve duke u bërë thrirje deputetëve ta votojnë draftin e ri si domosdoshmëri për fuqizimin e industrisë së riciklimit si dhe nuk sjell dëme ekologjike për vendin tone./oranews/a.k
