Për këtë recetë na nevojiten:
– Lajthi, 10 lugë gjelle
– Sheqer, 4 lugë;
– Qumësht sipas mundësisë lope ose soje, do të na duhen 12 lugë;
– 2 lugë vaj ulliri;
– 2 lugë kakao, por i hidhur.
Marrim një tigan dhe vendosim lajthitë, i vendosim mbi zjarr dhe i pjekim ngadalë. Janë gati në momentin kur lajthive fillon t’i ndahet lëkura. Tani kemi dy opsione ose t’i grijmë në mikser ose t’i shtypim. Nëse i bëjmë në mikser do ta kemi kremin me pak kokrriz,a por me shumë shije lajthie. Në mikser vendosim lajthitë e grira ose të shtypura dhe shtojmë të gjithë përbërësit.
Tani në lidhje me qumështin, meqënëse qumështi i sojës është pak i shtrenjtë dhe shpesh i papreferuar për konsum të përgjithshëm, mund të përdorim qumështin e lopës, por që t’i heqim yndyrën e tepërt, e ziejmë dhe e lëmë të ftohet. Ajkën e krijuar e heqim dhe e përsërisim si proces tre herë, për ta patur me sa më pak yndyrë dhe me më pak kosto.
I përziejmë në mikser të gjithë përbërësit dhe nëse e duam kremin të hollë shtojmë qumësht, nëse e duam pak më të trashë shtojmë kakaon.
Kremi jonë prej lajthie është gati dhe mund ta shërbejmë në mëngjes, harrova t’iu them koha e përgatitjes thjesht 10 minuta.
Shi shi