Komisioni Qendror i Zgjedhjeve, në mbledhjen e ditës së sotme i ka dhënë mandatin e deputetes Artemisa Malo. Malo del nga listat shumemërorë të Partisë Socialiste në Gjirokastër.
Ajo ka marrë mandatin e lënë nga deputeti socialist, Flamur Golemi pasi ky i fundit do të kandidojë për kryetar bashkie në Gjirokastër në zgjedhjet që do të mbahen më 30 qershor.
Ndërkohë Artemisa Malo mban edhe detyrën e Zëvendësministres për Evropën dhe Punët e Jashtme nga tetori i 2017. Ndërsa po nga ky muaj ajo është zgjedhur Anëtare e Asamblesë së Partisë Socialiste të Shqipërisë./ i.h
