Besnik Muçi ka reaguar pas vendimit të Kolegjit të Apelimit për ta shkarkuar nga detyra. Duke folur për mediat, Muçi tha se shkak për këtë vendim janë bërë diferenvat financiare në vitet e kaluara, dhe huatë e marra nga familjarët e tij.
“Është në pasuri me burim të lijgshëm. Por Komisioni i Apelimit e mori si shkak për të marrë vendimin që mori. Shkak tjetër është mosdeklarimi i një banese të ndërtuar në 1995, nga familja e gruas sime. Bashkëshortja ime është 1/5 e asaj prone. Një shkak ankimi për 400 mijë lekë të vjetra. Të tjera shkaqe ankimi që u pranuan ishin huatë e marrë nga familja ime, në vitin 2006, nga motra dhe babai im për blerjen e banesës. Shkak tjetër ankimi është një hua e motrës dhe bashkëshortit të saj. Unë i dorëzova KPA një dokument nga institucionet britanike, ku vërtetohet se kunati im i ka paguar taksat në Britani. Në fillim kam qenë i emocionuar në këto seanca, por sot ndihem i lehtësuar. Mëkati i vetëm është se para dy vitesh aplikova për anëtar të Gjykatës Kushtetuese, pasi mendoja se plotësoja kushtet. Ndërsa mëkatin tjetër e bëri Presidenti që më emëroi anëtar të Kushtetueses”, u shpreh Muçi. /e.s/
Njeriu i zgjuar dhe i ndershem nuk duhet te behet vegel e dikujt! Duhet te jete vetvetja! Meta ka shfrytezuar me dhjetra dhe pastaj u ka ngrene koken! Shqiperia shpeton kur Saliu dhe Meta te largohen nga politika!