Në datë 28 qershor do të merret vendimi për Shqipërinë për hapjen e negociatave, ndërsa Greqia kërkon nga BE që Tiranës dhe Shkupit ti jepet drita jeshile për të shmangur destabilizimin e Ballkanit. Ministri i Jashtëm i Greqisë, Kotzias ka deklaruar se për dy vendet duhet të mbahet premtimi dhe të hapen negociatat.
“Ka shtete anëtare të rëndësishme që janë në mosmarrëveshje nëse Evropa duhet të vazhdojë të zgjerohet apo të thellohet. Mendoj se duhet të hapen negociatat për Shqipërinë dhe Maqedoninë. Kam frikë se nëse Maqedonisë Veriore nuk i jepet një datë për pranim, të gjitha këto përpjekje që kemi bërë me sakrifica dhe kompromise të mëdha nga të dyja palët, mund të rrezikohen. Për më tepër, nëse një nga dy vendet fillon negociatat, dhe le të themi, Shqipëria është lënë jashtë, kjo do të krijojë një gjendje jo stabiliteti në rajon. Qëllimi është për të shmangur destabilizimin e Ballkanit”, deklaron Nikos Kotzias.
Pas kesaj deklarate ka reaguar edhe Ministri i Jashtem shqiptar Ditmir Bushati i cili në një mesazh në twitter nënvizon vlerësimin për mbeshtetjen e homologut grek për integrimin. Sipas tij, është koha që të lëvizet përpara në Ballkanin Perëndimor.
Vendimi për Shqipërinë do të merret në datë 28 qershor, ndërsa deri tani parlamenti holandez ka votuar kundër, Gjermania kërkon çeljen e negociatave por me kushte, ndërsa Franca ende nuk është shprehur.
ma.me
