Arben Ahmetaj, ministër i Financave, ka mbrojtur qëndrimin e maxhorancës për këto shkurtime, ndërsa Sajmir Tahiri sërish është shprehur për ti bërë lëshime trupave të vettingut.
DEBATI
Braçe: Vendimi për vettingun ka efekte financiare. Këtë herë kaloi, por unë dua që herë tjetër të mos ndodhë më që të mos kalojnë në komisionin e Ekonomisë.
Balla: Sa herë që bëhet fjalë për vendime a ligje me faturë financiare është detyruese që të kalojë në komisionin e ekonomisë. i tërheq vëmendjen shërbimeve të Kuvendit.
Fino flet nga vendi
Braçe: Po mirë mo Bashkim, po deshe ti nuk e mbledhim fare.
Rama: Bashkim, Bashkim, është live (e ka fjalën për mbledhjen që po transmetohet)
Ahmetaj: Ministria e financave e ka debatuar strukturën. Ne nuk iu kemi hequr asgjë, kanë kërkuar 3 struktura mbështetëse, por ne u kemi lënë vetëm një. Asgjë tjetër nuk u kemi hequr.
Edi Rama: Asnjë institucion nuk duhet të bjerë në atë që të zgjerohet dhe rritet për të akomoduar njerëzit nëpër zyra. Në rastin konkret është respektuar plotësisht principi bazë që është mbështetje ekstra për reformën. Të gjithë duhet ta dini që pagat për këtë institucion janë ekstra. Të tilla do të jenë edhe pagat për gjykatësit dhe prokurorët që do dalin pa njollë në skanerin e vettingut.
Tahiri: Ne nuk na shërben qasja e kontabilistit në historinë e vettingut dhe nuk duhet parë në çështjet financiare. Ne duhet ti heqim justifikimin atyre që nesër mund të vijnë në Kuvend dhe të na thonë nuk na mbështetët prandaj spo bëjmë detyrën. Unë e di që propozimi i tyre duhej futur kurnizë ligjore. Duhet parë pak me fleksibilitet kjo çështje, jo se po kthehet në garë se kush i do më shumë trupat e vettingut. Ne duhet ti kërkojmë llogari për atë që bëjnë dhe të mos fshihemi pas vendimmarrjeve tona.
Ahmetaj: Jam dakord me Sajmirin në logjikë. Detajet janë të rëndësishme në këtë histori dhe e ftoj Sajmirin të ulet me mua të shohim detajet që ai të dalë i qetë dhe të shohë që i kemi dhënë të gjithë mbështetjen. Do kenë 100% rritje rroge, apo 120% dhe 150%? Struktura është e plotë. Nuk ka logjikë kontabiliste, por funksionale. Shtesa e tyre është e konsiderueshme.
Tahiri: Une skam asnje merak tjeter, them vetem qe hajde shkurtojme ku te mundim per te mos u dhene mundesi qe te justikohen neser.
ma.me
