KOSOVE/ Thaçi dekreton: Zgjedhjet në Kosovë, më 11 qershor

Presidenti Thaçi gjatë orëve të paradites ka mbajtur një takim konsultativ me partitë politike. Shumica e partive politike kanë preferuar 11 qershorin si datë për mbajtjen e zgjedhjeve. Në këtë takim kryetarja e KQZ-së, Valdete Daka ka thënë se KQZ në kuadër të kompetencave që ka do të organizojë zgjedhjet e parakohshme parlamentare.

Ajo tha se KQZ pret bashkëpunim me të gjitha institucionet, ndërsa ftoi subjektet politike që ta respektojnë Kushtetutën e vendit dhe rregullat tjera që kanë të bëjnë me zgjedhjet.

FOTOT/ Të gjithë te Presidenti, çfarë tha Thaçi për datën e zgjedhjeve

Presidenti i Kosovës, Hashim Thaçi, pas takimit me përfaqësues të partive politike, është deklaruar se datat e zgjedhjeve do të jenë 11 ose 18 qershori.

Përfaqësuesit e partive parlamentare në Kosovë janë pajtuar, të enjten, që zgjedhjet e parakohshme parlamentare në vend të mbahen më 11 përkatësisht, 18 qershor.

Takimi i shefave të grupeve parlamentare me presidentin Thaçi.

Diskutimi rreth datës ishte temë qendrore e një takimi të përbashkët konsultativ që presidenti Hashim Thaçi, e thirri me përfaqësuesit e partive politike pas vendimit për shpërbërjen e Kuvendit të Kosovës.

Pas takimit, presidenti Thaçi u paraqit para medieve duke thënë se ai shumë shpejt do të vendos rreth datës përfundimtare, duke vendosur të zgjedh njërën nga dy propozimet që kishte dëgjuar nga partitë politike, dhe ato ishin 11 dhe 18 qershor.

Në këtë takim, nuk mori pjesë vetëm Lidhja Demokratike e Kosovës, e cila pas votimit të mocionit për rrëzimin e qeverisë nga ana e Partisë Demokratike të Kosovës, është deklaruar se nuk e njeh Thaçin si president të vendit.

Zgjedhjet e parakohshme parlamentare u nxitën pas një mocioni të mosbesimit për qeverinë në Kuvendin e Kosovës, të mërkurën, kur shumica e deputetëve votuan për rrëzimin e saj.

FOTOT/ Të gjithë te Presidenti

Ka nisur takimi konsultativ i presidentit Thaçi me anëtar të partive politike për caktimin e datës se zgjedhjeve të parakohshme.

Në këtë takim po marrin pjesë: Hajredin Kuçi nga PDK, Ismail Kurteshi nga VV,  Pal Lekaj nga AAK, Valdete Bajrami nga Nisma, Agim Bahtiri nga AKR, Ferid Agani nga Partia e Drejtësisë, Valon Murati nga Lëvizja për Bashkim, Slavko Simiq nga SLS

Prezente në këtë takim është edhe Valdete Daka nga KQZ. ‘Indeksonline’, do të iu mbajë të informuar për rrjedhen e këtij takimi.

Presidenti i vendit Hashim Thaçi, do të takohet më përfaqësuesit e partive politike, për të vendosur për datën e zgjedhjeve të parakohshme, raporton “Zeri.info”.