Ratifikimi i marrëveshjes për Stabilizim Asociim, që Kosova nënshkroi me BE-në do të bëhet të hënën në Kuvendin e Kosovës. Edhe pse ishte paralajmëruar që të hënën të mbahet një seancë tjetër me tjera pika të rendit të ditës, sot kryesia e Kuvendit e ka shtyrë për një ditë tjetër atë seancë duke i lënë radhën ratifikimit të MSA-së në Kuvend.
Me këtë ndryshim ka qenë e pajtimit edhe Opozita e cila ka marrë pjesë në mbledhjen e sotme të kryesisë së Kuvendit. Pra pika e vetme e rendit të ditës të hënën do të jetë ratifikimi i MSA-së. Ndërkohë ratifikimin e shpejtë të MSA-së në Kuvend e kishte kërkuar edhe Raportuesja për Kosovën në Parlamentin Evropian Ulrike Lunacek.
