Përfundon gjithçka në stadiumin e Prishtinës me rezultatin final 2-2. Gola, ritëm, emocione. I pati të gjitha pjesa e dytë e sfidës vëllazërore midis Kosovës dhe Shqipërisë, e shndërruar në festë për kualifikimin historik të kuqezinjve në Kampionatin Europian Francë 2016. Një sfidë e balancuar midis dy ekipeve, që edhe mund të ishte fituar nga Kosova në fund e cila humbi dy raste të mira për të shënuar. Gardiani i kuqezinjve, i futur në pjesën e dytë të lojës ishte shpëtimtari i ekipit në fund falë ndërhyrjeve të tij. Një start ëndrrash për Rei Manajn që i befasoi të gjithë me një debutim befasues. U fut si zëvendësues në minutën e 53′, dhe arriti të shënojë pas 20 sekondash në fushë. Nivel të kënaqshëm treguan të dyja ekipet në fushë, sidomos Kosova e cila ka përpara një të ardhme të ndritur me talentet që ka në grup.
*****
Ka nisur plot emocione dhe me dy gola të shënuar brenda 5 minutash pjesa e dytë e ndeshjes. Golit të avantazhit të shënuar nga debutuesi 18- vjeçar Rei Manaj për Shqipërinë i është përgjigjur, 5 minuta më vonë Celina për Kosovën nga pika e bardhëe 11-metërshit. Goli i parë u shënua në minutën e 54-t nga Manaj, vetëm 1 minutë pasi u fut në fushë. Ndërkohë Celina shënoi në minutën e 59-të. Në minutën e 70′ Rrashani driblon Rrahmanin në vijën fundore dhe godet me të majtën duke kaluar në epërsi vendasit. Golin e dytë për Shqipërinë e shënoi Rrahmani.
*******
Goli i Rei Manaj, minuta 54′, Kosovë 0-1 Shqipëri
Goli i Bersant Celina, minuta 59′, Kosovë 1-1 Shqipëri
Goli i Elbasan Rrashani, minuta 69′, Kosovë 2-1 Shqipëri
Goli i Amir Rrahmanit, minuta 72′, Kosovë 2-2 Shqipëri
Pjesa e parë e ndjeshjes Kosovë Shqipëri
Përfundon në barazim 0-0 pjesa e parë sfidës miqësore midis Shqipërisë dhe Kosovës. Një pjesë e parë me shumë emocione si në fushën e lojës ashtu edhe në shkallët e stadiumit mbushur përplot me sportdashës. Nuk kanë munguar rastet për shënim në të dyja portat por rezultati mbeti me rrjeta të paprekura në fraksionin e parë të lojës.
*****
Në stadiumin e Prishtinës nisi miqësorja mes përfaqësues së Kosovës dhe Shqipërisë. Si asnjëherë më parë stadiumi është mbushur me tifozë nga e gjithë Kosova, të cilët po krijojnë atmosferë fantastike.
Kjo sfidë që është historike ka karakter festiv pas kualifikimit të kuqezinjve në Evropianin Francë 2016.
‘Tempulli’ i futbollit në Prishtinë është veshur kuqezi, derisa nuk mungojnë as flamujt e Kosovës.
Trajneri i përfaqësueses së Kosovës, Albert Bunjaku dhe homologu i tij, Giani de Biasi, kanë bërë të ditur formacionet e lojtarëve që do të luajnë në miqësoren e futbollit mes Kosovës dhe Shqipërisë.
Në ekipin e Kosovës do të luajnë Siamir Ujkani, Perdedaj, Berisha, Sadiku, Paqarada, Enis Alushi, Eroll Zejnullahu, Besar Halimi, Mërgim Brahimi, Bernard Berisha, Bersant Celina.
Ndërsa Shqipëria do të luajnë me Berisha, Hysaj, Rrahmani, Cana, Gjimshiti, Aliji, Basha, Memushaj, Kace, Gashi dhe Sadiku.
