“Kosovafilmi” do të pushojë së funksionuari si institucion menjëherë pasi të miratohet Projektligji për kinematografi, shkruan “Koha Ditore”. “Kosovafilmi pushon së funksionuari me hyrjen në fuqi të këtij ligji”, shkruhet në pikën e parë të nenit 52 të Projektligjit.
Ky projektligj specifikon se arkivi dhe prona intelektuale e “Kosovafilmit” kalojnë në menaxhim të Arkivit të Filmit të Kosovës, që do të jetë institucion i ri në vartësi të Ministrisë së Kulturës.
“Prona e paluajtshme (toka dhe objektet përcjellëse) e ‘Kosovafilmit’ kalon në pronësi të Kuvendit të Republikës së Kosovës”, shkruhet në pikën 3 të këtij neni. E punëtorët e “Kosovafilmit” do të sistemohen në Arkivin e Filmit të Kosovës.
Drejtori i “Kosovafilmit”, Gani Mehmetaj, ka thënë se i vjen keq që Kuvendi do të mbetet në histori vetëm për shuarjen ‘Kosovafilmit’”, ka thënë Mehmetaj.Shuarjen e “Kosovafilmit” kishte tentuar ta bënte qysh para tetë vjetësh.
Me ndryshimet në ligj, nga shtëpi për prodhimin e filmit, “Kosovafilmi” shndërrohet në arkiv.
