Në Kosovë gjatë 24 orëve të fundit janë shënuar edhe 13 vdekje si pasojë e COVID-19.
Në një konferencë për media, drejtori i IKSHPK-së Naser Ramadani ka njoftuar se me 13 viktimat e shënuara në 24 orët e fundit numri i përgjithshëm i personave të vdekur si pasojë e COVID-19 në Kosovë ka shkuar në 438, raporton javanews.
Ramadani ka bërë të ditur se po vazhdon tendenca e rënies së rasteve të reja të të infektuarve, ku gjatë 24 orëve të fundit janë shënuar 158 raste pozitive nga 471 mostra të testuara.
Gjithashtu është bërë e ditur se me 245 pacientët e shëruar numri i të shëruarve ka arritur në 7929, ndërsa aktive mbesin edhe 3625 raste.
/a.r
