Ishte sërish Valon Berisha që realizoi, pas asistimit nga Vedat Muriqi, për të ngushtuar rezultatin në 5 me 2.

Nis pjesa e dytë

Ka nisur pjesa e dytë në ndeshjen mes Anglisë e Kosovës.

Leart Paqarada është inkuadruar te Kosova duke zëvendësuar Florent Muslijën.

Mbyllet pjesa e parë me epërsi prej katër golave për Anglinë

Anglia ka shënuar edhe golin e pestë krejt në fund të pjesës së parë. Ka shënuar sërish Jadon Sancho.

Ai u asistua sërish nga Raheem Sterlingu, për të cilin ishte asisti i tretë në ndeshje.

Rezultati pas pjesës së parë, 5 me 1.

Anglia realizon golin e katërt

Jadon Sancho ka shënuar edhe golin e katërt për Anglinë, në fund të pjesës së parë për të trefishuar epërsinë e anglezëve, 4 me 1.

Ai realizoi pas një kundërsulmi të shpejtë të nisur nga Raheem Sterling.

Anglia dyfishon epërsinë, Vojvoda shënon autogol

Një autogol i Mërgim Vojvodës ka bërë që të dyfishohet epërsia e Anglisë.

Goli i tretë për anglezët erdhi në minutën e 38-të.

Ekipi i Kosovës protestoi ashpër me këtë rast, pasi Valon Berisha ishte shtrirë në fushë, ndërsa anglezët vazhduan lojën që shpiu në gol.

30 minuta lojë, Anglia mban epërsinë

Kanë kaluar 30 minuta lojë, me Anglinë që po mban epërsinë minimale 2 me 1.

Kosova në minutat e fundit ka nisur të sulmojë “Tre Luanët”, të cilët nuk po thyhen.

“Dardanët” në stadiumin e Southamptonit po dëgjohen më shumë se vendasit.

Në minutën e 36, Mërgim Vojvoda provon me një godtije jashtë 16-metërshit, por topi del jashtë portës.

Kane kalon Anglinë në epërsi

Anglia ka përmbysur menjëherë rezultatin. Harry Kane ka shënuar në minutën e 19-të për të kaluar “Tre Luanët” në epërsi, 2 me 1.

Menjëherë, Kosova ka pasur rast fenomenal, por Vedat Muriqi nuk arriti të shtynte topin që e mori nga Valon Murati drejt portës së anglezëve.

Anglia barazon menjëherë rezultatin

Vetëm shtatë minuta ka zgjatur epërsia e Kosovës ndaj Anglisë. Raheem Sterling ka barazuar gjithçka në minutën e tetë.

GOL – Kosova në epërsi

Kosova ka kaluar në epërsi në minutën e parë të ndeshjes. Valon Berisha realizoi pas një gabimi në mbrojtjen e vendasve.

Anglia menjëherë ka marrë iniciativën në fushë, pas golit të shënuar nga Kosova.

Nis ndeshja Angli – Kosovë

Ka nisur në Southampton ndeshja mes Anglisë dhe Kosovës, e vlefshme për Grupin A kualifikues për “Euro 2020”.

Kjo është hera e parë që përballen mes vete këto dy kombëtare. Për Kosovën është takimi më i madh deri tash.