Një 78-vjeçar u gjet pa jetë ditën e sotme nga fqinjët në fshatin Bulgarec të Korçës. Bëhet me dije se 78-vjeçari Gëzim Vija, u gjet me dy të çara në kokë, të cilat mendohet se i kanë marrë jetën.
Një nga pistat kryesore të humbjes së jetës së 78-vjeçarit mendohet të jetë ajo e grabitjes.
Fqinjët e të moshuarit kanë thënë jashtë kamerave se kanë vënë re në se në banesën e 78-vjeçarit ishin thyer xhamat e dritares, dhe kur kanë hyrë brenda në banesë e kanë gjetur pa jetë.
Policia e Korçë ka shoqëruar disa persona në lidhje me vrasjen e një 78-vjeçari në fshatin Bulgarec, pak kilometra larg qytetit.
Sipas burimeve nga grupi hetimor, dyshohet se autori mund të ketë pasur njohje me viktimën, çka mund të ketë bërë të mundur hyrjen në banesë me pëlqimin e tij. Pas kryerjes së krimit, i dyshuari dyshohet se është larguar duke mbyllur me çelës derën e jashtme të banesës
Kjo ka shtyrë policinë të marrë në pyetje persona që kishin njohje të afërt me të moshuarin, me qëllim zbardhjen e plotë të ngjarjes.
