Dr. Halim Kosova gjatë një takimi me sportistët tiranas premtoi se Bashkia nën drejtimin e tij do të ketë një program të posaçëm në fushën e sportit. Sipas kandidatit demokrat për drejtimin e kryeqytetit, takimi i paradites së të shtunës duhet të shërbejë për shkëmbim mendimesh me sportistët.
Kosova nuk harroi të ndalej edhe në deklaratat e kryeministrit Rama duke theksuar se ato nuk ndikojnë në konsideratën që ka për Ramën.
Kujtojmë se Bashkia e Tiranës si aksioneria më e madhe e drejtimit të klubit futbollistik Tirana, ka pasur probleme të mëdha në raport me sportistët dhe tifozët të cilët herë pas herë kanë organizuar protesta përpara zyrës së Bashës.
