UEFA do të hapë hetim kundër Partizanit të Beogradit, për parullat “Kosova është Serbi” gjatë ndeshjes së mbrëmshme kundër Athletic Bilbaos, për Europa League.
Është e sigurt që klubi serb do të gjobitet, por mund edhe që ai sektor i stadiumit të mbyllet për ndeshjen e ardhshme në shtëpi, kundër Augsburgut, më 10 dhjetor.
Ky është rasti i dytë brenda pak javëve që UEFA dënon një skuadër për thirrjet “Kosova është Serbi”, pas ngjarjeve në Moskë, në ndeshjen e Skënderbeut kundër Lokomotiv.
