Një episod i rëndë dhe provokues u regjistrua në Spanjë, gjatë ndeshjes mes Getafes dhe Partizanit të Beogradit, takim ky i vlefshëm për Conference League.
Në Madrid, janë dëgjuar në mënyrë konstante thirrjet “Kosova është Serbi”, në një stadium ku ishin të pranishëm 6 mijë tifozë.
Kjo nuk është hera e parë që bëhen këto thirrje, pasi edhe më herët, ka pasur raste të tilla.
Disa video të episodit të Getafe-Partizani i Beogradit janë të paaksesueshme në Shqipëri dhe në Kosovë.
Ndeshja mes Getafes dhe Partizanit të Beogradit zhvillohet në kuadër të Conference League, ndërsa prania e këtyre thirrjeve ka sjellë edhe një herë në vëmendje tensionet politike që shoqërojnë aktivitetet sportive ku përfshihen tifozë serbë.
