Idenë e shfaqur së fundi nga presidenti i Federatës Shqiptare të Futbollit, Armand Duka, për krijimin e një lige kombëtare mes Shqipërisë e Kosovës, e kanë konfirmuar edhe drejtuesit e Federatës së Futbollit të Kosovës (FFK).
Por në FFK thonë se për t’u jetësuar ky projekt i diskutuar për vite me radhë, duhet analizuar shumë çështje. Njëjtë është deklaruar ditë më parë edhe Duka, shkruan Koha Ditore.
Kryetari i FFK-së, Fadil Vokrri, ka thënë se për të krijuar ligën mbarëkombëtare duhet të shikohet se çka përfitojnë Shqipëria e Kosova.
I pari i shtëpisë kosovare të futbollit ka thënë se për një ligë të përbashkët duhet edhe miratimi i Konfederatës Evropiane të Futbollit (UEFA). (b.an)
