Pak pasi komisioni Evropian rekomandoi liberalizimin e vizave për Kosovën dhe në ditën kur kryediplomatja e Bashkimit Evropian, Federica Mogherini, ka lavdëruar institucionet e Kosovës për punën e bërë për liberalizimin e vizave, Ministria e Brendshme italiane, nga vjen edhe zonja Mogherini, ka publikuar të dhënat e azilkërkuesve në Itali përgjatë 3-mujorit të parë të vitit 2016 ku Kosova e Shqipëria janë në avantazh ndaj Sirisë që gjendet në luftë.
Sipas këtyre të dhënave, 111 shtetas nga Kosova dhe 93 shtetas nga Shqipëria kërkuan azil në Itali gjatë tremujorit të parë të vitit 2016, përkundrejt 87 personave nga Siria, shkruan “Koha Ditore”.
Në muajin janar të 2016-s janë 19 nënshtetas shqiptarë e 38 nënshtetas nga Kosova që kanë kërkuar të drejtë azili në shtetin italian. (b.an)
