Një 45-vjeçar nga Tirana është arrestuar nga policia pasi është dënuar në mungesë nga Gjykata e Apelit për Krimet e Rënda më 18 Dhjetor 2018.
Bëhet fjalë për Alfred Mikelin, i cili është dënuar për veprën penale të trafikut të drogës të kryer në bashkëpunim.
Ai u kap në fshatin Qerret të Kavajës gjatë një operacioni të koduar “Last Move” i forcave të Komisariatit Nr.2 të Policisë së Tiranës.
Gjithashtu, ndaj tij ka edhe një masë sigurie arrest në burg për korrupsion aktiv i personave që ushtrojnë funksione publike, dhënë nga Gjykata e Posaçme Kundër Krimit të Organizuar dhe Korrupsionit.
Gjatë kontrollit fizik të shtetasit Alfred Mikeli, shërbimet e Policisë gjetën dhe sekuestruan në cilësinë e provës materiale, shuma parash, dy mjete identifikimi të dyshuara të falsifikuara dhe dy aparate celulare.
Alfred Mikeli u kap edhe 1 vit më parë si person në kërkim pasi ishte dënuar në mungesë. Kanë qenë dy efektivët e Policisë së Durrësit Gëzim Lluka dhe Viktor Buca të cilët e arrestuan. Por rrugës teksa po e transportonin me makinën e policisë, Alfred Mikeli u ofroi 10 mijë Euro policëve, nga 5 mijë Euro secilit, për ta lënë të lirë. Dhe kështu ndodhi. Dy policët e lanë të lirë Alfred Mikelin të largohej në këmbim të parave.
Por SPAK nisi hetimet për këtë rast dhe konkludoi me arrestimin e dy efektikëve Gëzim Lluka dhe Viktor Buca.
/a.r
