SHKODER-Gjykata e Shkallës së Pare në Shkodër dha masën “arrest me burg” për katër arrestuarit e dyshuar për korrupsion pasiv dhe ushtrim i ndikimit të paligjshëm të personave që ushtrojnë funksione publike në hipotekën e Shkodrës.
Në “arrest me burg” u lanë shtetasit Mirjam Bletaj, ish jurist i hipotekës, Sokol Tirana, Johan Zefi dhe Ndoc Tara.
Të pandehurit akuzohen se përmes ryshfetit prej 1 mije euro, do pajisnin shtetasin Ndoc Taraj me certifikatë pronësie.
Rolet e të arrestuarve dhe ndaluarve në rastin e korrupsionit
Johan Zefi, 39 vjeç, banues në lagje Tom Kola, Shkodër (Specialist në Hipotekë)
Ndoc Taraj, 70 vjeç, banues në fshatin Mushan, Shkodër, (Përfituesi i certifikatës)
Juristi Mirjan Bletaj, 31 vjeç, banues në lagjen Fahri Ramadani, Shkodër (juristi bashkëpunëtor)
Sokol Tirana, 49 vjeç, banues në lagjen Tom Kola, Shkodër. (Sekseri)
Skema e funksionimit të tyre
Në mesin e të ndaluarve është edhe juristi i Hipotekës së Shkodrës, Mirjan Bletaj, këshilltar në bashkinë e Shkodrës, që dyshohet se ka patur dijeni për ngjarjen. Sokol Tirana, 49 vjeç, banues në lagjen Tom Kola, është i arrestuar pasi dyshohet se ka bërë punën e sekserit të këtij grupi.
Shtetasit e sipërpermendur dyshohet se kanë konsumuar veprat penale “Korrupsioni Pasiv i personave që ushtrojnë funksione publike” dhe “Ushtrimi i ndikimit të paligjshëm ndaj personave që ushtrojnë funksione publike”. Vijojnë hetimet për dokumentimin dhe arrestimin e personave të tjerë të përfshirë në këtë aktivitet kriminal.
Të dyshuarit mohuan akuzat ne sallën e gjyqit, por gjykata pranoi kërkesën e prokurorisë duke i lenë me masën e sigurisë “arrest me burg”.
