Edhe në Korçë do të ndërpritet 100% qarkullimi i të gjitha makinave. Duke filluar nga ora 6 e mëngjesit e ditës së nesërme nuk do të lejohet lëvizja me makina. Do të lejohen vetëm mjetet e autorizuara nga drejtoria e policisë. Ky vendim do të vijoje deri në një urdhër të dyte.
Të vetmit që do të qarkullojnë janë mjetet që shpërndajnë mallra ushqimore; urgjencat spitalore, farmacitë, telefonia dhe interneti, shpërndarja e gazit.
Ndërsa është njoftuar se kush e shkel ndalimin e qarkullimit pezullohet leja e drejtimit per 3 vjet.
Po ashtu qarkullimi nuk do të lejohet në të gjithë rrugët e qarkut. Pika kontrolli do fillojnë që në Qafë Thanë, Bilisht, Maliq, Ersekë; Korçë dhe Pogradec.
Kryetari i Bashkisë Berat, Ervin Demo bëri të ditur se nga dita e nesërme në orën 06:00 të mëngjesi do të ndalohet qarkullimi i mjeteve dhe hyrjet e daljet e tyre në qytet. Ai tha se do të lëvizin vetëm mjetet e akredituara dhe të autorizuara nga policia e shtetit, ndërsa qytetarët që lëvizin pa asnjë arsye do të ndalohen.
‘Të dashur bashkëqytetarë, ju informoj se bazuar në udhëzimet e fundit edhe në Bashkinë Berat, vihet në zbatim ndalimi i qarkullimit/lëvizjes së automjeteve në akset rrugore kryesore – ndërqytetëse dhe ato rurale duke filluar nga ora 06:00 e ditës së nesërme, deri në një udhëzim të dytë. Bashkëpunimi dhe mirëkuptimi juaj, do e bëj më të lehtë këtë situatë. Një falenderim i veçantë për stafet mjekësore dhe policinë e shtetit për punën e realizuar gjatë këtyre ditëve të vështira. Strukturat e Bashkisë Berat do të vazhdojnë në qëndrojnë në gatishmëri për përballimin me sukses të kësaj situate të pazakontë’, shkruan Demo.
g.kosovari
