Koronavirusi transmetohet nëpërmjet kontaktit fizik dhe është bërë thirrje që njerëzit të kenë kujdes me paratë.
Në disa raste është sugjeruar që të përdoren kartat e kreditit, por sa të sigurta janë?
Një mjek në Britani ka treguar se si kartat e kreditit mund të përmbajnë mikrobe, përfshirë baktere si salmonella dhe E.Coli.
Ish-kirurgu ortoped Chike Emeagi tha në një intervistë për ‘Femail’ se ndërkohë që rreziku është i ulët, ekziton mundësia që koronavirusi të mbijetojë në sipërfaqen e sheshtë të kartave të kreditit apo debitit.
Ai shpjegoi se mikrobet mund të fshihen në cepat e orës së dorës, unazave, kartave të kreditit dhe kartëmonedhave, dhe rekomandon dezinfektimin e kartave dhe bizhuterive një herë në javë.
Mjeku sugjeroi përdorimin e pecetave dezinfektuese për të pastruar kartat, dhe ujë të ngrohtë me sapun për stolitë.
/a.r
