“Aktualisht nuk ka asnjë shenjë që të na thotë se gjatë verës koronavirusi do të zhduket si një grip normal”, kështu tha drejtori i përgjithshëm i OBSH-së, Tedros Adhanom Ghebreyesus, në konferencën e përditshme për epideminë.
Ndërsa në botë po rriten me shpejtësi rastet e Covid 19, ai theksoi:
“Ne vazhdojmë të rekomandojmë që të gjitha vendet të bëjnë emergjencën dhe masat shtrënguese, përparësinë e tyre kryesore. Ne vazhdojmë të kërkojmë të gjejmë, provojmë, izolojmë dhe kurojmë çdo rast dhe gjurmojmë çdo kontakt”.
“Çdo ditë që ngadalësojmë epideminë është një ditë shtesë me të cilën qeveritë mund të përgatisin profesionistët e tyre të kujdesit shëndetësor për të ndjekur dhe trajtuar pacientët kurse spitalet mund të përgatiten për raste të reja”, dhe nëse epidemia ngadalësohet, ne blejmë kohë për të gjetur vaksina dhe terapi, të cilat nga ana tjetër mund të parandalojnë infeksione dhe të shpëtojnë jetë”, tha kreu i OBSH. /e.s/
