Duhet të mbahej në Roterdam të Holandës nga 12 deri në 16 maj, por festivali europian i muzikës është anuluar.
Pandemia e shkaktuar nga koronavirusi bëri që Eurovision Song Contest 2020, të mos mbahet, duke u shtyrë për një moment të pacaktuar.
Ky anulim parashikon që festivali i muzikës europiane të shtyhet për në vitin 2021.
“Pasiguria si pasojë e përhapjes së Covid-19 në të gjithë Europën, dhe masat e marra nga qeveria holandeze për televizionin dhe pjesëmarrësit, na detyruan që të marrim vendimin e vështirë për anulimin e Eurovision Song Contest 2020”, deklaruan organizatorët në një qëndrim zyrtar.
Shqipëria pritej të përfaqësohej në Eurovision nga këngëtarja Arilena Ara.
