Koreja e Veriut vijoi sot manovrat me predha artilerie gjatë një seance stërvitore ushtarake pranë ishullit në kufirin midis dy Koreve, njoftoi Seuli, në një klimë me tensione të larta midis dy shteteve.
“Koreja e Veriut ka kryer disa gjuatje me predha artilerie, rreth orës 07:20 një ditë më parë, prej një njësi taktike të artilerisë, e cila ishte vendosur mbi shpatin e kodrës Jangsangot në bregun jugur pranë zonës së diskutueshme detare midis dy Koreve”, bëri të ditur nëpërmjet një deklarate nga ministria koreanojugore e Mbrojtjes.
”Në formë masash paraprake, Koreja e Jugut u kërkoi banorëve të ishullit Baengnyeong për të përgatitur gjithçka dhe për të udhëtuar drejt porteve më të afërta”, sipas komunikatës.
Koreja e Veriut ka ndërmarrë sulme me predha mbi ishullin Yeonpyeong, i cili shtrihet gjithashtu në Detin e Verdhë, në pjesën jugore shumë pranë kufirit koreanoverior, në të cilin u shënuan katër të vdekur, në vitin 2010.
